لية البنانيت القطاقيط علاقاتهم فاشلة؟

س: لية البنانيت القطاقيط علاقاتهم فاشلة؟

ج : لأنهم بيتعاملوا مع الولاد الغلط
لية البنات عندنا غالبا علاقتها فاشلة ..لان عادة البنت بتعامل الولد على انه
بتاع جواز ..يطلع بتاع مشى ..

تيجى تعاملة على انه بتاع مشى يطلع بتاع
جواز ..وتتخنق منه بقى لما تلاقى ان ردود الافعال مش على مزاجها

علشان البنت تعرف تفرق بين انواع الولاد لازم نقوم بتعريف الانواع دى وتصنيفهاحالا..

"الولد اللى بيحب "

ودا قليل اليومين دول -بيندرج تحت نوعية محبى عبد الحليم حافظ وكاظم الساهر

واللى تلاقية كاتب لك اى حاجة عشان يكتب لك في وسطها يا سيدتى ..وانتى تبقى

مطالبة انك تحبى وتتحبى 24 ساعة يوميا ..متاكليش ..متناميش ..متشتغليش..ومتذاكريش

ومتكلمهوش فى اى حاجة الا لو كانت ليها علاقة بالحب

"عندك بقى النوع التانى "

واللى هو الولد اللى بيمشى وطبعا كل بنت فى مالية مركزها فى المجتمع فاهمة يعنى

اية ولد عايز يمشى ..يعنى ولد عايز يقضيها فى البيس ..خروجات وفسح

وروشنة وجنان ..وتهور ..والحياه لطيفة لا تخنقنى ولا اخنقك وفى بعض الاحيان

البنت بتبقى محتاجة النوع ده عشان بتكون مثلا لسه خارجة من علاقة طويلة

"نيجى بقى للنوع الثالث"

وهو الولد اللى يتعشق ..وده غالبا بقى بيندرج تحت بند الحب المستحيل ..الحاجة

اللى هى بتبقى حلاوتها فى تخيلها اكتر من معايشتها ..ولو عشتيها تعيشيها بكميات

قليلة وبجرعات اقل لان العشق كل ما كان مربوط بلخيال كل ماكان اكثر عبقرية

والنوع ده بقى من الولاد بيبقى دايما من النوع المؤثر ..اللى بيضغط على

نقطة ضعف عندك ..اللى هو لاتبقى عايزة تكونى مرتبطة بية ولاعلاقتكوا اتنين

طبيعيين وهيتجوزوا ولاعايزاه يغيب عن نظرك ..عايزة تشوفية من حين لاخر

واحب اقولك ان ده اروع نوع فى الولاد واروع احساس ممكن تحسية بس فى نفس

الوقت هتقابلى ازمة انك مش هتعرفى تتخلصى من النوع دة بسهولة لانة بيكون حلم

لو يتحقق بعد بتحاولى دايما تحققية

هنا بقى نحن نتحدث عن محطة الاستقرار

نتحدث عن الواقعية بكل ابعادها فى بعض الاحيان الجميلة والمؤلمة احيان اكثر

بس الولد اللى من النوع دة ده ممكن ينقسم الى نوعين

"النوع الاول "

اول ما يخبط فى بنت يطلب يتجوزها وده تنفضيلة فورا

"النوع الثانى"

وهو ده المهم اللى هو يختارك بعقله وقلبه سوا ودى شئ عبقرى جدا ..وغالبا العلاقة

فى الشكل دة بتكون متوازنة الى حد كبير وفى النوع ده من الولاد بيبقى شئ

رائع لو قابلتية اخر حد فى حياتك عشان يكون عندك خبرة تقدرى تحددى بيها اذا كان

الشخص ده مناسب انك تتجوزية

ولو عايزة رأى اخير منى ..

احب اقولك متتجوزيش اى ولد الا لو حسيتى

فى لحظات مختلفة انه عيشك الاربع انواع دول ..يعنى من الاخر

لو جيتى تتجوزى لازم تتجوزى واحد يكون 4×1

وعشان تعرفى تتعايشى فى الحياة

حاولى متنحرفيش عن الخطة الموضوعة ..ماشي ياقطقوطه هههههههههههههههههه

ماشى يا ابيه!!!

تسلم ايدك ياحمد

ايه النصايح الجامده دى

بجد انا كان نفسى من زمان اعرف الانواع دى

المهم انه فى الاخر للأسف جواز صالونات

يعنى واحد ممكن اكون معرفهوش

بس يمكن اعرفه فتره الخطوبه

ده لو ملبسش القناع طبعا

عايزاك بقى تنزل حاجه نعرف بيها نحدد شخصيته

اوك

waiting

زائر

انا متاكد من الكلام ده بس عايزين برده نعرف انواع البنات زى ماوضحت بالظبط انواع الرجاله

شكرا يا رجاله على مواضيعكوا المفيده دى بجد

بصراحه الموضوع جامد بس لازم ما تقلهمشى حاجه هما ما يستهلوش